Sunday, November 2, 2014

ප්‍රේම පරාදීසේ

ප්‍රේම පරාදීසේ
සිනහ බිඳුව ඔබ
කඳුළු බිඳුව ඔබ 
ප්‍රේම පරාදීසේ...

විකල් මතක මැද පහන් තරුව ඔබ
බොඳවුණු සිහිනෙක අරුණෝදය ඔබ
වැළපුන වෙරළක දිය බිඳුව ඔබ
ගොළුවුණු දෙතොලක සිනහ සිහිල ඔබ...

ගිණි දන කතරක පවන් රළකි ඔබ
විළි ලන අඳුරක නැවුම් ඉරකි ඔබ
නොහැ‍ඟෙන නොලැබෙන නොවිඳි සුවකි ඔබ
වියරුව ඈ මෙන් නො එන දුකකි ඔබ...

පද රචනය - ප්‍රේමකීර්ති ද අල්විස්
තනු නිර්මාණය හා ගායනය - වික්ටර් රත්නායක

Monday, September 29, 2014

ආදර පූජාසනේ

ආදර පූජාසනේ
ඔබයි මගේ කුසුම් කුමාරී
ආදර පූජාසනේ
මමයි ඔබේ කුසුම් මනාලී...

ආසිරි පවන් රොදින් ඇසේ 
දේව දූතයන්ගෙ මිහිරි ‍ප්‍රේම ගීතිකා
සාදර පැතුම් පවන් වැදී
දේව දූතයන් ගයාවි ප්‍රේම ගීතිකා…

යෞවන මල් සමයේ මේ නිසසල යාමේ
සීතල රෑ... සැතපෙම් මා... මංගල මල් යහනේ…
මංගල සීනු හඬින් චංචල වූ ලෝකේ
අනුරාග... පෙම් රාව...නින්නනාදයෙ…

ඔබගේ නුරා සුසුමේ රන් මුතු ලැල් පවනේ 
සිලිලාරේ... වෙලෙමී මා... පෙම්සිත් අනුරාගී
විකසිත නෙත් සඟලේ ප්‍රේම ශිඛා කැල්මේ 
ආලෝකේ... සැතපෙන්න... ළංවෙන්නෙ මා…

පද රචනය - ධර්මසිරි ගමගේ
සංගීතය - එම්.කේ. රොක්සාමි
සහාය ගායනය - සුජාතා අත්තනායක
චිත්‍රපට‍ය - දෙවියනි ඔබ කොහිද

Monday, August 4, 2014

අපි ඈතට ඈතට පා නගලා

අපි ඈතට ඈතට පා නගලා
ඝන වනන්තරේ
අතරමං වෙමු
වසන්ත මල් ගොමුවේ...

කාත් කවුරුවත් නෑ එන්නේ
ඉඳුල් නොවේ රුදු මිනිස් ඇසින්
අපේම පුංචි ලෝකයේ අපි ඉන්නේ
බඹරුන් විතරයි තනියට ළඟ ඉන්නේ...

කෙසේද අත් බැඳ ඇවිදින්නේ
වෙරළේ උයනේ තුරුළු වෙමින්
නෑසිය මිතුරන් මඟතොට හමුවන්නේ
උකුසු ඇසින් අප කෙලෙසද ගැලවෙන්නේ...

පද රචනය - සුනිල් ආරියරත්න
සංගීතය හා ගායනය - වික්ටර් රත්නායක

Saturday, August 2, 2014

අඳුර බිඳින්නට

අඳුර බිඳින්නට රැයක් දවාලු
ලන්තෑරුම් නිවලා
තිමිරයෙ තිරකඩ අරුණෙහි බිඳ හැර
හිරු තව දවසක් ගෙනැවිල්ලා...

මතකය නම් වූ මළ පොත පෙරලා
මළගිය ඊයේ සිහිපත් කළ මැන
පැතූ පැතුම් අත් මිට මොළවාගත්
දෑතෙහි දසැඟිලි දිග හැරලනු මැන
එහි මොනවද ඇත්තේ...
කිසිත් නැත
හිස් බවෙකිය ඇත්තේ...

සමුදුරු ගිරිහෙල් දෙරණ තලා මැද
යෞවන විය පියවර තබනා සඳ
හිස්වන පද විත සපුරා ගන්නට
මියැසි විරාමය යළි පැමිණී ඇත
අරුමෙකි පැවසෙන්නේ...
එපමනයි
පිළිසරණය වන්නේ...

පද රචනය - ප්‍රේමකීර්ති ද අල්විස්
තනු නිර්මාණය හා ගායනය - වික්ටර් රත්නායක
චිත්‍රපටය - මාතර ආච්චී

Wednesday, July 2, 2014

අරුණ උදයේ

අරුණ උදයේ ඇය පිටත් වේ ගෙදර සිය සැමියා තබා
ඔහු මවක් සේ කිරි පොවා දී රැක ගනී නලවයි බබා...

ඈත ඇය යන දුම්රියේ හඬ වදින්නේ හදටයි තදින්
එය මැකෙන්නට ගුවන් විදුලිය කරකවයි ඔහු මහ නදින්
පියා මව වී මව පියා වී දකින දරු කැක්කුම තුලින්
කවුරුවත් නැති ජෝඩුවක් දැයි බලයි ගම විමසිලි නෙතින්...

නම්බු ගෞරව තත්ත්ව පදනම් නොම වටී ආලය තරම්
දෙගුරු ගුරුවරු අපිට කුමට ද පැලක ඉමු අපි රත්තරන්
ඉතින් රැකියාවක් ද හරි හැටි නොමැති ඔහුගේ අත අරන්
කොළඹ යයි ඇය ඔහු හිඳී ගෙයි ගෙයයි දරුවයි මුර කරන්...

පද රචනය - ප්‍රේමකීර්ති ද අල්විස්

Thursday, May 1, 2014

අපෙ හැඟුම් වලට

අපෙ හැඟුම් වලට ඉඩදී මොහොතක්
ඉඩ ලබා ගනිමු තරමින් වියතක්
හඳ පානේ... මඳ අඳුරේ...
අත් පටලා යමු ආයේ...

ඔබ ඔබෙ හෙවනැල්ලෙන් මිදී
මම මගෙ හෙවනැල්ලෙන් මිදී
අවුදින් හෙමින් රහසින් මුමුනා
හඳ පානේ මඳ අඳුරේ...

හිරකර හසරැල්ලෙන් හැඬුම්
අපි හිනැහෙමු සපුරා පැතුම්
මතු ආත්මයේ හමුවෙන පැතුමින්
යමු වෙන්වී හිමිදිරියේ...

පද රචනය - ප්‍රේමකීර්ති ද අල්විස්
තනු නිර්මාණය හා ගායනය - වික්ටර් රත්නායක

Friday, April 18, 2014

සඟවාගනු මැන

සඟවාගනු මැන ඔබැ රුව සොඳුරියෙ
අනිකෙකු නෙත් ඔබැ මුව මත ගැටෙතැයි
මා හද බිය වී සැලී සැලී යයි...

මහ වන පියසෙක අදුරු ගුහාවෙක
යම් දිනයෙක ඔබ සඟවා තබනෙම්
හිරු ‍රැස් බිඳකුදු ඔබැ රුව දු‍ටු සඳ
ඉරිසියාවෙන් පිරැවේ මා හද...

සොමි සඳ වත ලෙස රුසිරු නොවිණි නම්
දහසක් නෙත් ඔබ දු‍ටුවද කම් නැත
එනමුදු ඊයේ මට පෙන් වූ රුව
තව නෙත් දෙකකට හිමි විය යුතු නැත...

පද රචනය - බණ්ඩාර කේ. වි‍ජේතුංග
තනු නිර්මාණය සහ ගායනය - ආචාර්ය වික්‌ටර් රත්නායක

Wednesday, April 16, 2014

පිනිබර මලක් වගේ

පිනිබර මලක් වගේ ගමේ පිපුණ නගේ
හෙට ගියත් වැඩට මන්දිරයක සිදාදියේ
අමතක කරන්නෙපා නුඹ එනතුරා
මෙහෙ මං ඉන්නවා...

සිදාදියේ නපුරු සතුන් රුවට නුඹේ වසඟවෙලා
නොයෙක වෙසින් නුඹ බිලිගන්නට සැරසේවී
අතේ කාසි පනම් අරුමෝසම් නුඹේ දෑසට පාවී
නඟේ පරිස්සමින් ඉඳින් අනේ රැවටෙන්න එපා...

සිදාදියේ විසිතුරු මැද සිටින විටදි තනි වීලා
අලුත් පහේ වෙන මුහුණු නෙතට හමු වේවී
ගමේ රෑ පානේ රහසේ කිව් කතා ගොළු වී යාවී
හිතේ සෝදිසියෙන් ඉඳින් අනේ හිත දෙන්න එපා...

පද රචනය -  කුලරත්න ආරියවංශ
සංගීතය හා ගායනය - වික්ටර් රත්නායක

ප්‍රේම වසන්තයේ මාල ගිරා දේවී

ප්‍රේම වසන්තයේ මාල ගිරා දේවී
ඈත දිගන්තයේ හෙමින් ඉගිල යාවී
නුඹේ නමින් ගී ගයා වළා රොදක පා වෙලා
ප්‍රේමයෙන් ළඟින් හිඳින්න ආවේ...

ඔබ මා තුරුලේ මඳහාසෙ පාලා
වන මල් යහනේ තුරු සෙවණේ
උණුසුම් සුව වෑහෙන දෙතොලේ
ගීයක් වන්නෙමි මම සබඳේ...

රෑ තරු වියනේ හඳ පාන වාගේ
තනි වී හිඳිනා විට යහනේ
කඳුළැල් වැටෙනා සඳ දෙනෙතේ
සුසුමක් වන්නෙමි මම නිබඳේ...

පද රචනය - ගීතනාත් කුඩලිගම
තනු නිර්මාණය සහ ගායනය - වික්ටර් රත්නායක

Sunday, April 13, 2014

රනින් ඉරක් පායා

රනින් ඉරක් පායා ඒ එළියෙන්
නැවුම් ලොවක් මිහි මත බිහි වී
මඟුල් හඬින් නෑඹුල් පොළොවේ
සතුටු උදානය සිත තුළ ඉපදී
සිතින් සිතට පාවී නැළ වේ...

කැපූ කරල් බර ගොයම් සුළං කර කුරුණි වලින් පුරවා
කොටසක් අටුවෙහි අහුරා කොටසක් කිරිබතකට හරවා
ගෙමිදුල වෙත එන නව හිරු එළියේ මාගල් පැදුර එලා
ඉටු දෙවියන් යැද සව්දිය පිරුමට මුළු ලොව එකතු වෙලා...

කිරල කැලේ බට කුරුලු කැලේ අලුත උපන් පැටවුන්
අන්දර ගස් යට පිම්මේ ඉගිලෙයි පෙර නොහුරූ අයුරින්
දොළොස් මහක් ජීවත් වූ ලෝකය අලුතින් අලුත් වෙලා
තවත් අලුත් ලොවකට පිවිසෙන්නට ලොව ඉන් පිටත් වෙලා...

පද රචනය - ප්‍රේමකීර්ති ද අල්විස්
තනු නිර්මාණය - ඩබ්. ඩී. අමරදේව

Tuesday, April 8, 2014

ඈත එපිට ගම්මානේ

ඈත එපිට ගම්මානේ
වෙල අද්දර පුංචි පැලේ
පුංචි පුතා මිදුලට වී
හඳ ඉල්ලා හඬනු ඇසේ...

සඳ මොකටද අපට පුතේ
තරු මොකටද ආකාසේ
පුතා උපන් මේ මව් රට
ඊට වඩා අගෙයි පුතේ...

දෙදහස් වසරක් තිස්සේ
අප හිටියා මේ පොළොවේ
කවදාවත් අපට පුතේ
අගහිඟයක් නෑ දැනුණේ...

ඒ කාලේ අපියි පුතේ
ඔය මහ දාගැබ් හැදුවේ
මූදු වගේ වැව් බැඳලා
ගොඩ මඩ දෙක සරු කෙරුවේ...

පාන්දරින් වෙල් නියරේ
ඇවිදින කොට ලා පින්නේ
වාසනාව මේ පොළොවේ
හිතට කයට දැනෙයි පුතේ...

අපේ ලෙයින් මසින් පුතේ
අප මේ රට ගොඩනැඟුවේ
අපේම පණ පුද කරලයි
අප මේ රට පණ පෙව්වේ...

සිංහල රන්කිරි කට ගා
පොඩි පුතු හෙට ලොකු වෙනවා
රට රකින්න රන් අසිපත
පුතුගෙ අතට මම දෙනවා...

පද රචනය - මහගම සේකර
තනු නිර්මාණය  - සරත් දසනායක

Wednesday, April 2, 2014

මුදු පරම සුපිවිතුරු

මුදු පරම සුපිවිතුරු ආදරයෙන්
අප වෙලී දෙඩූ අද සැඳෑ කලේ
ඔබගෙන් සමු ගත් මොහොතේ
ඔබෙ සිත මා පසුපස මගෙ කුටියට ඇවිදින්...

ඒ සිත මා ළඟ කතා කරනවා
දෑසම නොපියා බලා හිඳිනවා
දඟකාර කම් කරමින්
නෙත් පියන්න ඉඩ දෙන් නෑ...

නේවාසිකාගාරේ
පොත් අතර රැඳී ඔබ අකුරු කියූවද
කිසිවක් මතකයෙ නොරැඳෙන බව දනිමී
ඔබෙ සිත මා ළඟ හින්දා....

ඔබේ සිතට ඔබ කියන්න මිහිරියෙ
ආපසු එන්න කියා....

පද රචනය - ප්‍රේමකීර්ති ද අල්විස්
සංගීතය හා ගායනය - වික්ටර් රත්නායක

Wednesday, March 26, 2014

දෙනෙත සළා මඳ අඳුර මැදින්

දෙනෙත සළා මඳ අඳුර මැදින්
අසල ඉඳන් ඇය තුරුළු වෙමින්
අවන්හලේ දී ලං වූ තුසීතේ
ගිළිහී නොයේවා වසන තුරා..​.​

බඹර හඬින් මියුරු සරින්
නැගෙනා හඬින් හද සසැළෙනවා
අමා බඳුන් මුව ගෑ මොහොතින්
මසිත නිවේ යළි නිසල වෙලා...

මතක මැදින් කඳුළු තුලින්
සිඳුනු පැතුම් යළි සිහි වෙනවා
අමා බඳුන් මුව ගෑ මොහොතින්
මසිත නිවේ යළි සළිත වෙලා...

පද රචනය - ප්‍රේමකීර්ති ද අල්විස්
සංගීතය හා ගායනය - වික්ටර් රත්නායක

Thursday, March 13, 2014

තනි වෙන්නට මගේ ලොවේ

තනි වෙන්නට මගේ ලොවේ පුරුදු පාළුවෙන්
රැගෙන යන්න සොඳුරියෙ ඔබෙ සුවඳ මා ළඟින්...

සිව් වසරක පෙම් ගීතය ගොළු වෙලා ගියාදෝ
අලුත් ලොවක ඔබ සතුටින් කිරුළු පැළඳුවාදෝ...

මායාවකි ප්‍රේමය මා හදවත රිදවූයේ
සෝ ගීයකි දුක්‌බර වූ සැනසුම කොහි වේ දෝ....

පද රචනය - බුද්ධදාස ගලප්පත්ති
සංගීතය  - රෝහණ වීරසිංහ

Tuesday, March 4, 2014

තුරු ලපලු ලතාවෝ

තුරු ලපලු ලතාවෝ පවනේ සැලී
සීතල මේ නිහඩ රෑ
ආදර විහඟුන් බලා

සිතුම් විමානේ සසල කලාවූ
පෙම් හැඟුමන් පිබිදී
මහද පුබුදු කල ආදර ගීතය
නැවුම් ලොවක පාවී
සවනට මාගේ කොඳුරන්න නයනාවියේ

ජීවිත උයනේ විකසිත කුසුමන්
සුවඳින් මහද සැලී
නෙතුකැන් පිබිදී තරුමල් දිලිසී
දිවි මග එලිය දිදී
සවනට මාගේ කොඳුරන්න නයනාවියේ

පද රචනය - හැරී විමලසේන
තනු නිර්මාණය  - එච්. එම්. ජයවර්ධන

Tuesday, February 18, 2014

සුරංගනාවක් සදිසි මෙනවියක්

සුරංගනාවක් සදිසි මෙනවියක් අපේ මණ්ඩියට ආවා ලූ
මතක පොතක සිත්තමක ගීයක එහෙම ලස්සනක් නැතුවා ලු
ඇය ඔබද කියන් ළඳුනේ
ඔබ ඇය ද කියන් ළඳුනේ

බොහොම කාලයක් ඔහොම රූපයක් මගේ හදවත තුල තිබුනා නම්
සිහින ලෝකයක් සැබෑ වුනු වගක් මෙහෙමෙ නිමේෂෙක හැඟුනා නම්
ඒ සිහින කුමරි ඔබ නම්
කුමරුවා මම ය බැඳි පෙම්

හිතට පාලුවක් දැනෙන යාමයක් ඔබටද මට මෙන් දැනේවි නම්
අපට තනිකමක් නොවෙන ලෝකයක් අපිම තනාගමු තනි වේ නම්
ඒ ලොව කියන නම නම්
ආදරය පමණි මට නම්

පද රචනය - සමන් චන්ද්‍රනාත් වීරසිංහ
තනු නිර්මාණය - ස්ටැන්ලි පීරිස්

Friday, February 7, 2014

එක කුඩයක් යට

එක කුඩයක් යට ගෑවි නොගෑවී
දවසක් හැන්දෑවේ
මතකද ඔබ මා පියවර මැන්නා
පිණිමල් වරුසාවේ....

කිසිවකු සමගින් එකට තුරුලු වී
ඉර බැස යන වේලේ
ඔබ යනු දුටු විට මතකය රිදවයි
අපෙ ඉස්සර කාලේ...

මද අව් රස්නෙට වුව සෙවනක් ඇත
ඔබ හට අද දවසේ
වැස්සට අව්වට තනිව මුහුණ දෙමි
මගේ මහිම එලෙසේ...

පද රචනය - දෙල්තොට චන්ද්‍රපාල
තනු නිර්මාණය  - ස්ටැන්ලි පීරිස්

Wednesday, February 5, 2014

සප්ත සයුරින් එහා

සප්ත සයුරින් එහා දේශ දෙශාන්තරේ
සිරිලක් සළු පිළියෙන් පිදු මව්බිම ධන නිධාන බඳු
සියල් සිරිලක පරසිඳු සළු වියනා කුමාරී...

අම්මා බඳු පෙම්මාදර සම්මා ගුණ පිරිපුන්
එම සන්නාලිය නංඟා දෙස නොබලන් වපරැසකින්...

කම්හල තුළ පවර විපුල් හුරු දෑතින් කොමළ නිමල්
කර මෙහෙවර සොඳ මනකල් ඉසුරු ගෙනේ එතෙරින් දුල්...

දෙන්නී ඇය මව් භුමිය රක්නා රන් මසුරන්
එම සන්නාලිය නංඟා දෙස නොබලන් වපරැසකින්
කැලුම් උදුල යෞවනයේ සිරිත් දහම් රැක පිරියේ
සළු වියනා රැජින දැයේ හිඳුවම් සිංහාසනයේ...

නන්දා ආනන්දා කරවන්නා ලංකා බිම්
එම සන්නාලිය නංඟා දෙස නොබලන් වපරැසකින්...

පද රචනය - අජන්තා රණසිංහ
තනු නිර්මාණය හා ගායනය - වික්ටර් රත්නායක

Monday, February 3, 2014

අරුන්දතී තාරකාව සේ දිලී දිලී

අරුන්දතී තාරකාව සේ දිලී දිලී
නුවන් පෙති විදා බලා නොව මැලී මැලී
බ්‍රහස්පතී නැණින් යොවුන් සිත් බැඳී බැඳී
දවස්පතී රුවින් සිනාසෙයි නැගී නැගී...

වෙරළ සමීපේ මින් සමුදායයි
ගමින් ගමට නිල් වන් වැව් යායයි
සිරිලක් දසනුදිසා එක හීයයි
ලක්වැසියෙක් වී අද ඉර පායයි..

මල්සර උක්දඬු දුනු හී මානයි
නව යෞවනයේ පෙම් රජ දානයි
හිරු නව පැතුම් පතා රැස් වීදයි
නිවහල් ලොවකට මං පෙත් පාදයි...

පද රචනය - සුනිල් ආරියරත්න
තනු නිර්මාණය  - සෝමපාල රත්නායක

Saturday, January 4, 2014

නින්ද නෑ නෙතේ

නින්ද නෑ නෙතේ සීතයි මන්ද මාරුතේ
ඉන්නෙ හාමතේ මොන දුකකින් ද මාවතේ...

පදික වේදිකා නවාතැනේ උනුන් වෙලී
සිහින බල බලා අපේ කුඩා එවුන් නිදී
උන් මුවේ රැඳී කිරි හුරතල් සිනා පොදී
දැක වින්ද වේදනා ගියා මැකී...

සොඳුරු තාරුකා පවා වලාකුලින් මැකී
අඳුරු රෑ පුරා නිසංසලේ දුකින් හඳී
හෙට උදෑසනෙන් පිටවී මේ නවාතැනෙන්
කොයි කවර අතක යම් ද නොදනිමී...

පද රචනය - බණ්ඩාර ඇහැළියගොඩ
සංගීතය හා ගායනය - වික්ටර් රත්නායක

Thursday, January 2, 2014

රෑහි හඬනනා පාලු සොහොනට

රෑහි හඬනනා පාලු සොහොනට
නිහඬ සඳ බැස යාවී
ඉතිං අද ඔබ නොඑන ගමනක
මගෙන් වෙන් වී යාවී...

විලක නිල් දිය අසල පෙම් බැඳි
සිහින මතකය පාලු වෙයි හෙට
ඉතිරි කර යන මතක සසලව
මඬන හද හෙට ඔබ සොයනු ඇත...

සසර පවතින දිනක හමුවන
තුරුම විකසිත ඔබේ සුවඳින්
දෙනෙත ඇර සිඹ සිත නිවාලන
තුරුලු වනු මැන මට දයාවෙන්...

පද රචනය - බෙනිල් ප්‍රියංක
සංගීතය හා ගායනය - වික්ටර් රත්නායක

Wednesday, January 1, 2014

පොඩි කුමාරිහාමියේ

පොඩි කුමාරිහාමියේ
එපා වලව්වට යන්න නියර පිට
බලා ඉන්න පොඩි කුමාරිහාමියේ
කාසි එපා නුඹ හිනාවෙවී
ඔහෙ බලා ඉන්නවා නම්...

නිලමෙත් නපුරුයි ළමාතැනිත් නපුරුයි
නපුරු වලව්වක කෝමද කෝමල
කතා නුඹට ලැබුණේ
වක්කඩ කැඩුවා සේ සිනාසෙන
සිනා ගඟුල මැවුනේ
නුඹෙ හිනා ගඟුල මැවුනේ...

කඩා ගන්න බැරි වුනත් හරිම සුවඳයි
නෙරිය කොනේ මඩ තිතක් ඉහින්නට
ආසයි නුඹට හොරා
මාල හතක් බැඳ පෝරුව මත හිඳ
නොයන්න ගම හැරදා
නුඹ නොයන් මෙ ගම හැරදා...

පද රචනය - සුනිල් ආරියරත්න
සංගීතය හා ගායනය - වික්ටර් රත්නායක